لاہور(سپورٹس رپورٹر)انٹر نیشنل ہاکی فیڈریشن کی جاری عالمی رینکنگ میں پاکستان 15ویں نمبر پر آگیا، پاکستان کی رینکنگ اولمپک کوالیفائر میں کارکردگی کی بنیاد پر حاصل  پوائنٹس پر بہتر ہوئی۔پاکستان ہاکی فیڈریشن کے صدر میر طارق حسین بگٹی نے قومی ٹیم ،  سلیکشن کمیٹی سمیت شائقین کو مبارکباد پیش کی  اور اس عزم کا اعادہ کیا کہ سب پرعزم ہیں کہ پاکستان ہاکی میں جلد اپنا کھویا ہوا مقام واپس حاصل کریگا۔ نئی عالمی رینکنگ میں ہالینڈ پہلے، بیلجئم دوسرے اوربھارت تیسرے‘ نیوزی لینڈ 10ویں، آئرلینڈ11ویں، کوریا 12ویں، ملائشیا 13ویں،سائوتھ افریقہ 14ویں ، پاکستان 15ویں اور جاپان 16ویں‘کمبوڈیا 96ویں رینکنگ پر موجود ہے۔