میں چنداں زیادہ پڑھا لکھا نہیں ہوں بلکہ آپ مجھے ایک ادنیٰ طالب علم سمجھیں۔ مجھ پر قلم فاؤنڈیشن انٹرنیشنل کے چیئرمین علامہ عبد الستار عاصم کا احسان ہمہ وقت رہے گا کیونکہ ان ہی کی بدولت ہر ماہ میرے بک شیلف میں کتابوں کی تعداد بڑھتی جا رہی ہے۔ علامہ صاحب کے کتاب اور مطالعہ کے شوق اْلفت کا اندازہ آپ اس سے لگائیں کہ انہوں نے اب تک 125لائبریریاں قائم کی ہیں بلکہ اب تو ایک ایسی دھماکہ خیز آفر قارئین کو پیش کی ہے کہ لائبریری کیلئے دو لاکھ روپے کی کتابیں صرف تیس ہزار روپے میں فراہم کرتے ہیں۔ موجودہ معاشرے کو دیکھ کرجو کتاب سے دور ہوتا جارہا ہے، مجھے بھی کاغذ پر کچھ نوشت کرنے کا اشتیاق پیدا ہوا۔

جی ہاں تو میں ذکر کررہاتھا کہ مطالعہ ہر انسان کی زندگی میں اہم کردار ادا کرتا ہے۔ مطالعہ کیا ہوتا ہے؟ مطالعہ وہ عمل ہے جس میں انسان کسی خوبصورت فکر، دانائی یا تجربے کو حاصل کرتا ہے۔ یہ عمل انسان کو نئی دنیا دریافت کرتے ہوئے اپنی زندگی بہتر بنانے میں مدد فراہم کرتا ہے۔مطالعہ انسانی دماغ کی توانائی کو بڑھاتا ہے۔ یہ انسان کو نئے تجربات اور نظریات کے ساتھ روشناس کراتا ہے جو اس کی ذہانت کو مزید تیز کرتا ہے اورٹیلنٹ کے اظہار کے لئے بھی مطالعہ اہم ہے۔
مطالعہ انسان کو درسی تعلیم کے علاوہ عظیم علماء، مفکرین، سائنس دانوں،دانشوروں اور فکری شخصیتوں کے تجربات کا حصہ بناتا ہے۔ مطالعہ سے انسان اصولوں اور اعتقادات کا جائزہ لے کر نئی قدرتیں اور زندگی کے مختلف پہلوؤں کو دیکھنے کی صلاحیت حاصل کرتا ہے۔ مطالعہ ہمیں دنیا بھر کے مختلف لوگوں کی تجربات اور خصوصیات کے بارے میں سیکھنے کا موقع فراہم کرتا ہے۔
آج کل ہر کوئی اپنی یاداشت میں خلل کا شکوہ کرتا ہے یہی مطالعہ ہے کہ اس سے انسان کی دماغی توانائی میں اضافہ ہوتا ہے۔ یہ انسان کی جملہ ضروریات کو بہتر طریقے سے سمجھنے کی صلاحیت فراہم کرتا ہے۔مطالعہ مختلف مو ضوعات کی علمی روشنی بکھیرتا ہے اور انسان کو تشخیص سے بھرپور بناتا ہے۔ مطالعہ ہی ہمیں درست اور غلط کو جدا کرنے کا فرق بتاتا ہے۔ زندگی کی حقیقتوں کو سمجھنے کے لئے یہ عمل بہت اہم ہے۔ یہ ہمیں اصل راز جاننے کی صلاحیت اور حقیقتوں کو پہچاننت کی بہتر فہم عطا کرتا ہے۔
اس سے انسان کے خیالات اور روایات پر بھی مثبت اثرات مرتب ہوتے ہیں۔ ہمیں افسانوی خیالات سے نکال کرنئی حقیقت اور درست نقطہ نظر کے سامنے لا کھڑا کرتا ہے۔ مطالعہ کرنے والا اپنے اصولوں اور اعتقادات کو بیان کرنے کی صلاحیت حاصل کرتا ہے۔ یہ انسان کے دل و ذہانت کو بہتر بناتا ہے اور اْس ہر تصور کو دنیا میں فراہم کرنے میں مدد کرتا ہے۔
میرا مطلب یہ نہیں کہ مطالعہ صرف کتابوں کا پڑھنا ہوتا ہے بلکہ یہ زندگی کا ایک نہایت اہم حصہ ہے جو ہمیں دنیا کی حقیقتوں اور رازوں کے بارے میں سکھاتا ہے۔یوں، مطالعہ ہر انسان کے لئے اہم ہے۔ ہمیں یہ نہیں بھولنا چاہئے کہ مطالعہ انسان کے دماغ کو تیز کرتا ہے۔
سرور علم ہے کیف شراب سے بہتر
کوئی رفیق نہیں ہے کتاب سے بہتر
مطالعہ سے ہمیں علم اور معلومات ملتی ہیں جو ہماری زندگی کو بہتر بنانے میں مدد کرتی ہیں۔ مطالعہ ہی سے ہم دنیا کی نئی نئی ترقیات سے واقف ہوتے ہیں اور نئی نئی تجارتی، صحت، علمی ادبی اخلاقی معلوماتی سرگرمیوں اور تمام شعبوں کے بارے میں معلومات حاصل ہوتی ہیں۔ جو انسان کو کامیابی اور منزل تک پہنچانے میں مدد فراہم کرتا ہے۔
مطالعہ سے عمومی علم بڑھتا ہے، جو کہ انسان کو مختلف مواقع پر فائدہ دیتا ہے۔ علمی طور پر انسان کو مختلف شعبوں میں ترقیاتی معلومات حاصل ہوتی ہیں۔مطالعہ کرنے سے انسان کا تصور بہتر ہوتا ہے۔اس لئے زبانی ترقی، فکری سمجھ کے لئے مطالعہ ضروری ہے۔سٹڈی کے فوائد بہت سارے ہیں جو ہماری زندگی کو بہتر بناتے ہیں۔
 پہلے تو یہ کہ مطالعہ کرنے سے ہماری عموماً علم و معرفت بڑھتی ہے۔ کتابوں کے ذریعے ہم نئی نئی باتیں سیکھتے ہیں، نئے خیالات و تصورات کو سمجھتے ہیں۔لیکن آج اس کے برعکس لوگ سوشل میڈیا میں بے جا مصروف ہیں ایک زمانہ تھا کہ اخبار میں بیان لگوانے کیلئے کئی شرائط ہوتی تھیں تب بیان چھپ جاتا تھا لیکن آج چند پیسوں کے پیکیج سے لوگ اپنی مرضی کا بیان اپنی اپنی آئی ڈی سے شئر کرتے ہیں اسی لئے آج ہمارے معاشرے میں ہر شخص ذہنی کوفت اور بے چینی میں مبتلا ہے کیونکہ ہم سنی سنائی باتوں کو بلا تحقیق آگے فارورڈ کرتے ہیں۔ غرض مطالعہ کرنے سے انسان کو عملی دنیا کی حقیقت سے واقفیت اور تجاویز کی اچھی سمجھ حاصل ہوتی ہے۔
 مطالعہ کرنا ایک مفید عادت ہے جو ہماری معلومات صحیح استعمال کرنے کیلئے سکھاتی ہے مطالعہ کرنے سے ہماری زندگی میں نیا رنگ آتا ہے اور کامیاب انسان بنانے کے لئے کتاب بینی ضروری ہے۔
٭…٭…٭