اسلام آباد: سرکاری و نجی سکولز معمول کے مطابق کھل گئے،5 جامعات بند
اسلام آباد(این این آئی)وفاقی دارالحکومت اسلام آباد میں تمام سرکاری اور نجی اسکولز معمول کے مطابق کھل گئے، سیکیورٹی صورتحال کے باعث 5 بڑی جامعات غیرمعینہ مدت کے لیے بند ہیں۔ تفصیلات کے مطابق وفاقی دارالحکومت میں گزشتہ روز بند ہونے والے تمام نجی اسکولز آج کھل گئے ہیں، صبح بچے معمول کے مطابق اسکول پہنچے۔شہر میں 5 جامعات منگل کو بھی بند ہیں، ایئر یونیورسٹی، نیشنل ڈیفنس یونیورسٹی، بحریہ یونیورسٹی، اسلامک یونیورسٹی اور قائد اعظم یونیوسٹی کو گزشتہ روز غیر معینہ مدت کے لیے بند کیا گیا تھا۔یاد رہے کہ اسلام آباد میں تھریٹ الرٹ جاری ہونے کے بعد گزشتہ روز تعلیمی ادارے بند کردیے گئے تھے۔
