اسلام آباد (نمائندہ نوائے وقت) وفاقی بیوروکریسی میں تقرروتبادلے، اخلاق احمد قریشی کو وزارت موسمیاتی تبدیلی میں جوائنٹ سیکرٹری تعینات کر دیا گیا۔ اخلاق احمد قریشی اسٹیبلشمنٹ ڈویژن میں تعیناتی کے منتظر تھے، گریڈ 19 سے 20 میں ترقی دے دی گئی۔ اخلاق احمد قریشی کی تعیناتی سول سرونٹس ایکٹ 1973 کے سیکشن 10 کے تحت کی گئی گریڈ 21 کے ظہور احمد وزارت بین الصوبائی روابط میں ایڈیشنل سیکرٹری تعینات ،ظہور احمد اسٹیبلشمنٹ ڈویڑن میں او ایس ڈی تعینات تھے۔  پولیس سروس گریڈ 21 کے غلام نبی میمن ایگزیکٹو ڈائریکٹر سٹیٹ لائف انشورنس کارپوریشن تعینات، غلام نبی میمن کو ڈیپوٹیشن پر ان کی سروس سے ریٹائرمنٹ تک تعینات کیا گیا ہے۔  پولیس سروس گریڈ 19 کے کیپٹن ریٹائرڈ فیصل عبداللّٰہ کی گریڈ 20 میں ترقی گریڈ 20 میں ترقی کے بعد فیصل عبداللّٰہ کی خدمات سندھ حکومت کے سپرد رہیں گی۔