گوجرانوالہ (نمائندہ خصوصی) مسلم لیگ (ن) کے امیدوار این اے 78 انجینئر خرم دستگیر خان اور امیدوار پی پی 61عمران خالد بٹ نے کہا ہے شیر کا نشان ملکی ترقی خوشحالی اور روشنی کا نشان ہے، ہم 28مئی والے ہیں اور ہمارا مقابلہ 9مئی والوں سے ہے، مسلم لیگ ن ہی ملک کی واحد سیاسی جماعت ہے جس نے قائد میاں محمد نواز شریف کی قیادت میں اپنے دور اقتدار میں ملک کو اندھیروں سے نکالنے کے ساتھ مہنگائی اور بیروزگاری پر بھی قابو پایا اور انشاء اللہ 8فروری کو مسلم لیگ (ن) بھاری اکثریت سے کامیاب ہو کر میاں محمد نواز شریف کی قیادت میں ملک کو ایشیئن ٹائیگر بنانے کا مشن مکمل کرے گی۔ ان خیالات کا اظہار انہوں نے سابق یوسی چیئرمین عمران خان اور سماجی شخصیت حاجی سعید خان کی جانب سے حیدری روڈ بازار نمبر 1میں جلسے سے خطاب کرتے ہوئے کیا۔ ا س موقع پر علاقہ مکینوں نے مسلم لیگی امیدواروں کا شاندار استقبال کیا اور آئندہ الیکشن میں مکمل حمایت کا اعلان کیا۔