لاہور(نامہ نگار)شہر کے مختلف میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں دیگر سامان لوٹ لیا‘ڈاکوؤں نے گلشن اقبال میں خاور‘ اس کی فیملی کو گن پوائنٹ پر یرغمال بنا کر ساڑھے 5 لاکھ ‘ زیوارات ‘ موبائل فون،نصیر آباد میں عدنان سے 4 لاکھ 10 ہزار‘ موبائل فون، کوٹ لکھپت میں فواد سے 3 لاکھ 5ہزار‘ موبائل فون،ہنجروال میں نعمان سے70ہزار ‘ موبائل فون،چوہنگ میں طاہر سے 55ہزار‘گھڑی ‘ موبائل فون،باٹا پور میں عظیم سے40 ہزار ‘ موبائل فون،جنوبی چھاؤنی میں اشتیاق سے 35ہزار‘ موبائل فون،قلعہ گجر سنگھ میں سرمد سے 15ہزار‘ موبائل فون،شاہدرہ میں اسد سے 14ہزار‘ موبائل فون لوٹ لیا اورفرار ہوگئے۔چوروں نے فیصل ٹاؤن میں تنویر کی دکان کے تالے توڑ کر ڈھائی لاکھ کا سامان چوری کر لیا۔ چوروں نے گلبرگ،فیصل ٹاون ‘ ڈیفنس  سے3 گاڑیاں، لوئر مال سے ایک رکشہ جبکہ سبزہ زار، داتا دربار،نولکھا،راوی روڈ،مانگا منڈ،گجرپورہ،ساندہ اور مصری شاہ کے علاقوں سے 8 موٹر سائیکل چوری کرلئے۔