فیروزوالہ(نامہ نگار) ڈکیتی، راہزنی اور چوری کی متعدد وارداتوں میں ڈاکووں کی لوٹ مار‘ لاکھوں روپے مالیت کے زیورات نقدی دیگر قیمتی سامان لوٹ لئے گئے ‘مزاحمت پردو افراد کو تشدد کا نشانہ بنایا۔ کوٹ عبدالمالک کے قریب ڈاکو موٹر سائیکل سوار دو نوجوانوں سے ایک لاکھ روپے رقم ‘دو موبائل چھین کر لے گئے۔تھانہ بھکھی کے علاقہ میں نقب زنوں نے ایک ہی رات میں پانچ دکانوں کو نقب لگا کر لاکھوں روپے مالیت کا قیمتی سامان اور نقدی اڑا لی۔  پولیس تا حال کسی چور کا سراغ نہ لگا سکی۔ ڈاکوؤں نے رانا ٹاؤن اور سگیاں چو کے قریب تین افراد سے موٹر سائیکلیں نقدی اور موبائل چھین کر لے گئے۔