لاہور (سپورٹس رپورٹر) سپورٹس بورڈ پنجاب کے زیر اہتمام رائزنگ پنجاب گیمز2024 میں اتھلیٹکس اور ٹیبل ٹینس کے مقابلے  شروع ہوگئے۔ پنجاب سٹیڈیم میں اتھلیٹکس بوائز5000میٹر ریس ساہیوال کے سہیل عامر نے جیت لی ہے، گوجرانوالہ کے عتیق الرحمن دوسرے اور بہاولپور کے کلیم اختر تیسرے نمبر پر رہے ہیں۔ گرلز3000میٹر ریس میں فیصل آباد کی فرحت بانو نے پہلی‘ڈی جی خان کی مریم اسماعیل نے دوسری جبکہ گوجرانوالہ کی کائنات نے تیسری پوزیشن حاصل کی۔گرلز 400میٹر ریس میں راولپنڈی کی سنائینہ نے پہلی،فیصل آباد کی ریدا نے دوسری جبکہ سرگودھا کی مسرت شاہین نے تیسری پوزیشن حاصل کی۔لانگ جمپ میں فیصل آباد کی امتل رحمان نے پہلی‘ لاہور کی فائقہ نے دوسری اور ملتان کی رمضان بی بی نے تیسری پوزیشن حاصل کی ۔ ہائی جمپ میں فیصل آباد کی نورین فاطمہ نے پہلی  پوزیشن حاصل کی ۔شاٹ پٹ میں فیصل آباد کی ماہ نور ڈوگر نے پہلی  پوزیشن حاصل کی ہے۔گرلز اینڈ بوائز ٹیبل ٹینس ٹیم ایونٹ میں راولپنڈی نے سرگودھا کو3-0 ‘ساہیوال نے بہاولپور کو3-0 ‘ملتان نے گوجرانوالہ کو 3-1 ‘لاہور نے ڈی جی خان کو3-0 ‘ فیصل آباد نے سرگودھا کو 3-0 ‘ بہاولپور نے ڈی جی خان کو 3-0 ‘ لاہور نے ساہیوال کو3-0 ‘فیصل آباد نے ملتان کو3-2 سے شکست دی ۔گرلز ٹیم ایونٹ میں راولپنڈی نے سرگودھا کو 3-0 ‘ گوجرانوالہ نے ملتان کو 3-0 ‘ساہیوال نے بہاولپور کو3-0 ‘فیصل آباد نے سرگودھاکو 3-0 ‘ راولپنڈی نے گوجرانوالہ کو3-0 ‘ڈی جی خان نے بہاولپور کو 3-1 سے ہرادیا۔