لاہور(سپورٹس رپورٹر)نیشنل ویمنز ٹی ٹونٹی ٹورنامنٹ میں راولپنڈی، لاہور اور کراچی نے کامیابی حاصل کرلی۔ٹورنامنٹ کا فائنل آج کراچی اور لاہور کی ٹیموں کے درمیان کھیلا جائیگا۔ راولپنڈی نے کوئٹہ کو 9 وکٹوں سے شکست دیدی۔ کوئٹہ کی ٹیم 8 وکٹوں پر 84 رنز بناسکی۔ عائمہ سلیم نے تین وکٹیں حاصل کیں۔راولپنڈی نے ایک وکٹ پر ہدف حاصل کرلیا۔عالیہ ریاض نے 18 گیندوں پر ناقابل شکست58 رنز بنائے۔ عالیہ ریاض پلیئر آف دی میچ قرار دیا گیا۔ راولپنڈی میں کراچی نے ملتان کو ڈک ورتھ لوئس قانون کے تحت 20 رنز سے ہرادیا ۔ملتان نے 5 وکٹوں پر 114 رنز بنائے۔ گل فیروزہ نے67 رنز بنائے۔کراچی نے پندرہ اوورز میں 3 وکٹوں پر 100 رنز بنائے تھے کہ خراب موسم کی وجہ سے میچ روک دیا گیا۔ جویریہ خان نے 40 رنز بنائے۔ملتان کی کپتان گل فیروزہ پلیئر آف دی میچ قرار پائیں۔لاہور نے پشاور کو دس وکٹوں سے شکست دیدی۔پشاور کی ٹیم صرف 50 رنز پر آؤٹ ہوگئی۔ نشرہ سندھو نے 2 رنز دے کر 5 وکٹیں حاصل کیں۔لاہور نے سدرہ امین کے 41 رنز ناٹ آؤٹ کی مدد سے ہدف بغیر کسی نقصان کے پورا کرلیا۔نشرہ سندھوکو پلیئر آف دی میچ قرار دیا گیا۔