شیخوپورہ (نمائندہ خصوصی) تحریک انصاف کے رہنما سابق صوبائی وزیر قانون این اے 115کے امیدوار چوہدری خرم شہزاد ورک ایڈووکیٹ نے کہا ہے کہ عمران خان نے قوم کو صحت کارڈ لنگر خانے ،شیلٹر ہوم ،نئی یونیورسٹیاں ،تعلیمی اداروں میں قرآن کی تعلیم دینے کے ساتھ ساتھ دنیا بھر میں مسلمانوں کے موقف کو اجاگر کیا تھا ۔شریف برادران نے ہمیشہ میچ فکس کرکے اقتدار لیا ۔ ان خیالات کا اظہار انہوں نے شیخوپورہ میں انتخابی جلسوں سے خطاب کرتے کیا اس موقع پر پی پی 141کے امیدوار چوہدری طیاب راشد سندھو ،پی پی 140کے امیدوار چوہدری اویس عمر ورک ، ملک شہزاد ڈوگر ،انیس ریاست ورک اور دیگر بھی موجود تھے۔