لاہور (نامہ نگار) ڈکیتی  چوری کی متعدد وارداتوں میں شہریوں سے لاکھوں روپے زیورات، موبائل فون، موٹر سائیکلیں ، گاڑیاں اور دیگر سامان لوٹ لیا گیا۔ ڈاکوؤں نے شالیمار میں ثاقب کے گھر اہلخانہ کو  یرغمال بنا کر 5لاکھ 55 ہزار روپے  زیورات، موبائل فون اور دیگر سامان، گارڈن ٹائون  میں جاوید اور اس کی فیملی سے 4لاکھ 80ہزار روپے زیورات اور موبائل فون، مانگا منڈی میں نوید سے 2 لاکھ 98 ہزار روپے اور موبائل فون، برکی کے علاقے میں جبار سے 2 لاکھ 55ہزار روپے اور موبائل فون، گرین ٹاؤن  میں سلطان سے ایک لاکھ 70 ہزار روپے اور موبائل فون، ٹائون شپ  میں ارشد سے ایک لاکھ 45 ہزار روپے اور موبائل فون، ہنجروال  میں تنویر  سے 25 ہزار روپے اور موبائل فون، کوٹ لکھپت کے علاقے میں اشفاق سے 20 ہزار روپے اور موبائل فون، سندر کے علاقے میں سے انس سے  5ہزار روپے اور موبائل فون لوٹ لیا اور فرار ہوگئے۔ چوروں نے کوٹ لکھپت میں موبائل شاپ کے تالے توڑ کر 3لاکھ 45ہزار روپے، موبائل فون چوری کر لئے ہیں۔ ڈیفنس، ریس کورس اور مصطفیٰ ٹاؤن  سے 3گاڑیاں جبکہ راوی روڈ، شیراکوٹ، مزنگ، لوئر مال، کاہنہ،گرین ٹاؤن، سندر اور شاہدرہ سے9 موٹر سائیکلیں چوری کر لی  گئیں۔