لاہور(کامرس رپورٹر) راوی اربن ڈیولپمنٹ اتھارٹی (روڈا) نے چہار باغ انکلیو پروجیکٹ میں رہائشی پلاٹوں کی کامیاب بیلٹنگ کی۔ 186 ایکڑ پر پھیلے ہوئے چہار باغ انکلیو بغیر کسی رکاوٹ کے اپنے فروغ پذیر پیش رو چہار باغ سے 220 فٹ چوڑی سڑک کے ذریعے جڑتی ہے۔ انکلیو کے پلاٹ 3 مرلہ، 5 مرلہ، 7 مرلہ، 10 مرلہ سے 1 کنال پلا ٹوں کی ایک متنوع رینج پیش کرتا ہے۔ تقریب کے دوران سی ای او روڈانے کہا ’’چہار باغ انکلیو جدید زندگی کے ایک نئے باب کی نشاندہی کرتا ہے، جس میں رہائشی پلاٹوں کی ایک مناسب رینج کے پلاٹس ہیں جو ہماری کمیونٹی کی مختلف امنگوں کو پورا کرے گا۔ یہ پائیدار اور متحرک کمیونٹیز بنانے کیلئے روڈا کے عزم کا ثبوت ہے۔‘‘ اتھارٹی کے ہیڈ آفس میں منعقد ہونے والے بیلٹنگ ایونٹ نے شفافیت اور انصاف پسندی کی وابستگی کا مظاہرہ کیا۔ اس عمل نے یہ بات یقینی بنائی کہ ہر پلاٹ کی تقسیم دیانتداری کے اعلیٰ ترین معیار کے ساتھ کی جائے، جس سے تمام شرکاء کو مساوی مواقع فراہم کیے جائیں۔ چیئرمین  ایف پی سی سی آئی نے کہایہ پروجیکٹ جدت، پائیداری اور کمیونٹی کی ترقی کیلئے ہم آہنگی کی مثال دیتا ہے جو شہری ترقی کے منظر نامے میں مستقبل کی کوششوں کے لیے ایک معیار قائم کرے گا۔‘‘