سوات (نوائے وقت رپورٹ) مسلم لیگ ن کے  رہنما کیپٹن (ر) محمد صفدر کا  الیکشن مہم کے دوران  پی ٹی آئی کا جھنڈا  تھامے بچے سے سامنا ہوا تو  وہ رک گئے اور  اس کو پیار کیا۔ بچے کا ماتھا چوما۔ سوات کے علاقے مینگورہ میں ن لیگ کی جانب سے جلسے کا انعقاد کیا گیا تھا، جلسہ گاہ کے باہر ایک بچہ پی ٹی آئی کے جھنڈے اٹھائے کھڑا تھا۔ کیپٹن (ر) محمد صفدر خود چل کر بچے کے پاس آئے، اسے گلے لگایا اور  پیار کیا۔ ویڈیو سوشل میڈیا پر وائرل ہوگئی ہے اور صارفین  کیپٹن (ر) محمد صفدر کے رویے کی تعریف کر رہے ہیں، صارفین کا کہنا ہے کہ ملک کو اسی قسم کی رواداری کی ضرورت ہے۔