سرگودھا (نمائندہ خصوصی) تیز رفتار کار بے قابو ہو کر الٹ جانے سے میاں بیوی جاں بحق اور 2 بچوں سمیت 4 افراد شدید زخمی ہو گئے۔ عمیر ریاض فیملی کے ہمراہ فیصل آباد سے اسلام آباد جا رہے تھے کہ سالم انٹر چینج موٹروے کے قریب کار بے قابو ہوکر الٹ گئی۔ جس کے نتیجہ میں میر ریاض، اس کی بیوی عدیلہ عمیر جاں بحق اور ان کے دو بچے، اور دو ملازم شدید زخمی ہو گے۔ ریسکیو 1122 عملہ نے موقع پر پہنچ کر میاں بیوی کی نعشیں اور بچوں سمیت شدید زخمیوں کو ٹی ایچ کیو بھلوال ہسپتال منتقل کر دیا جن کی حالت تشویشناک ہونے پر زخموں کو فیصل آبا ریفر کر دیا گیا۔