لاہور (خصوصی نامہ نگار) تحریک لبیک پاکستان آج 3 فروری بروز (ہفتہ) لاہور کے چار مختلف مقامات پر پاور شو کا مظاہرہ کرے گی۔ ترجمان ٹی ایل پی کے مطابق جنرل الیکشن مہم کے سلسلہ میں آج لاہور شہر کے چار مقامات پر تحریک لبیک انتخابی جلسے کرے گی۔ سربراہ تحریک لبیک حافظ سعد حسین رضوی خطاب کریں گے۔  پہلا جلسہ صبح 11 بجے این اے 117,118 داتا نگر بادامی باغ چوک میں جبکہ دوسرا جلسہ دوپہر 1 بجے این اے 119,120,121 بمقام جلوموڑ، تیسرا جلسہ این اے122,123,124,127 میں بمقام شام چار بجے ہوگا۔ چوتھا بڑا سیاسی پاور شو این اے 125,126,128,129 مشترکہ پوائنٹ مانگا منڈی چوک میں بعد از نماز مغرب 6 بجے کیا جائے گا۔  مدرسہ ابو زر غفاری گرینڈ بیٹری سٹاپ پر جلسہ دستار فضلیت سے خطاب کرتے ہوئے انہوں نے کہا کہ و الدین کا احترام ہی انسان کو ظالم کے سامنے ڈٹنے کی ہمت دیتا ہے، میں جھوٹے وعدے نہیں کرتا، نہ ہم ظالم ہیں، نہ ظالم کے ساتھی ہیں، قوم ایک موقع دے، عوام کی محبت کا حق ادا کروں گا۔