اسلام آباد (خبر نگار خصوصی) چیئرمین جوائنٹ چیفس آف سٹاف کمیٹی جنرل ساحر شمشاد مرزا نے سعودی عرب کا دورہ کیا۔ پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا نے دوسرے ورلڈ ڈیفنس شو میں شرکت کی۔ جنرل ساحر شمشاد مرزا کی سعودی وزیر دفاع سے ملاقات ہوئی۔ ملاقات میں سٹرٹیجک، سکیورٹی امور اور دفاعی تعاون کے فروغ پر بات چیت ہوئی۔ آئی ایس پی آر کے مطابق جنرل ساحر شمشاد مرزا نے دفاعی شو میں پاکستانی سٹالز کا دورہ کیا۔ جنرل ساحر شمشاد مرزا نے شو کے دوران الفتح ٹو میزائل کا بھی افتتاح کیا۔ انہوں نے سعودی چیف آف جنرل سٹاف سے بھی ملاقات کی۔ انہوں نے چیف آف رائل سعودی لینڈ فورسز سے بھی ملاقات کی۔ دونوں سے باہمی دلچسپی کے امور پر تبادلہ خیال کیا گیا۔