گوجرانوالہ (نمائندہ خصوصی ) سعودی عرب میں دوران ڈیوٹی جاں بحق ہونیوالے نوجوان کی میت گھر پہنچ گئی ، متوفی کو آہوں و سسکیوں میں سپرد خاک کردیا گیا ، بتایا گیا ہے کہ وڈالہ سندھواں کا رہائشی بلاول تین سال قبل روزگار کیلئے سعودی عرب گیا تھا ،جہاں پر وہ افسوسناک حادثہ میں جان کی بازی ہار گیا ،نوجوان کی میت گھر پہنچنے پر قیامت برپا ہو گئی ،والدین کو غشی کے دورے پڑتے رہے بعدازاں نوجوان کی نماز جنازہ ادا کی گئی اور اسے آہوں و سسکیوں میں مقامی قبرستان میں سپرد خاک کر دیا گیا ، بلاول کے ورثاء کا کہنا تھا کہ انہیں 20روز قبل اطلاع ملی تھی کہ انکا بیٹا حادثہ میں زخمی ہو گیا ہے جو پہلے سے بہتر ہے مگر اسکی نعش گھر پہنچی ہے، انہوں نے حکومت سے مطالبہ کیا ہے کہ وہ اس معاملے سے متعلق سعودی حکومت سے رابطہ کرے اور انہیں انصاف فراہم کیا جائے ۔