لاہور(نامہ نگار) انسپکٹر جنرل پولیس پنجاب ڈاکٹر عثمان انور کی جانب سے پولیس ملازمین کی ہیلتھ ویلفیئر کیلئے اقدامات جاری ہیں جس کے تسلسل میں آئی جی پنجاب نے لاہور سمیت مختلف اضلاع سے تعلق رکھنے والے پولیس ملازمین کو علاج معالجے کیلئے 13 لاکھ روپے سے زائد فنڈز جاری کر دئیے ہیں۔انہوںنے فورس کی ہیلتھ ویلفیئر کیلئے اقدامات جاری رکھنے کا حکم دیتے ہوئے کہا کہ ویلفیئر برانچ پولیس ملازمین اور انکے اہل خانہ کوطبی اخراجات کیلئے ہرممکن معاونت فراہم کی جائے۔