لاہور (نوائے وقت رپورٹ) پاکستان پیپلز پارٹی کی "چنو نئی سوچ" ریلی  مادر ملت روڈ سے  روانہ ہو کر فیروز پور روڈ کے راستے ساڑھے 5گھنٹے بعد اختتام پذیر ہوئی۔ ریلی کی قیادت شیری رحمن، چودھری سرور، چودھری اسلم گل، علی بدر، امجد حسین ایڈووکیٹ کر رھے تھے۔ جبکہ اس میں سردار لطیف اکبر، چودھری ریاض، عثمان ملک، نیلم جبار، سفیان یوسف گھرکی، تنویر موہل، عائشہ نواز چودھری، فائزہ ملک، فاطمہ ملہی، چودھری ریاض، رائو خالد شریک تھے۔ ریلی میں پی ایس ایف اور پیپلز یوتھ کے نوجوانوں کی سبط حسن، یاسر بارا، انجنیئر شہر یار، مبشر سروبہ، شعیب جعفری، رانا ذوالفقار، وقار سلہری، حافظ احمد اور حمزہ کی قیادت میں پارٹی ترانوں پر بھنگڑے ڈالتے رہے۔ پیپلز پارٹی آزاد کشمیر اور گلگت و بلتستان  سے آنے والے صوبائی وزراء  کی درجنوں گاڑیاں  بھی شامل تھیں۔ ریلی کے شرکاء کے لیے راستے میں منظر عباس کھوکھر کی طرف سے استقبالیہ کا اہتمام کیا گیا تھا۔