لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے‘ زیورات، موبائل فون، موٹر سائیکلیں،گاڑیاں اور دیگر سامان لوٹ لیا گیا۔ ڈاکو جوہر ٹاؤن میں سجاد احمد کے گھر اہلخانہ کو یرغمال بنا کر5لاکھ 46 ہزار روپے‘ زیورات، موبائل فون اور دیگرسامان، اقبال ٹاؤن میں مکرم سے 3 لاکھ 35 ہزار روپے‘ موبائل فون، شفیق آباد میں ریحان سے 2 لاکھ 90 ہزار روپے‘ موبائل فون، شیرا کوٹ میں رمضان سے 2 لاکھ روپے اور موبائل فون، ساندہ میں منیر سے ڈیڑھ لاکھ روپے‘ موبائل فون، مغلپورہ میں سہیل سے ایک لاکھ روپے‘ موبائل فون، سمن آباد میں عمران سے 44 ہزار روپے‘ موبائل فون، ٹاؤن شپ میں قدیر سے 8 ہزار روپے‘ موبائل فون لوٹ کر فرار ہوگئے۔ چوروں نے غالب مارکیٹ، کاہنہ،گارڈن ٹاؤن اور مانگا منڈی سے 4گاڑیاں جبکہ ہنجروال، مسلم ٹاؤن، ڈیفنس، فیصل ٹاؤن، قائداعظم انڈسٹریل سٹیٹ اور سندر سے 6 موٹر سائیکلیں چوری کر لیں۔