لاہور(سپورٹس رپورٹر)امریکہ اور ویسٹ انڈیز میں شیڈول ٹی20 ورلڈکپ میں روایتی حریف پاکستان اور بھارت کا مقابلہ 9 جون کو نیویارک میں ہوگا۔انٹرنیشنل کرکٹ کونسل نے یکم فروری کو اعلان کیا تھا کہ ایونٹ کا ٹکٹ بیلٹ پہلے آئیے پہلے پائیے کے نظام پر مبنی نہیں ہے بلکہ درخواست دہندگان کو ٹکٹ حاصل کرنے کا مساوی موقع فراہم کیا جائیگا۔ 22 فروری سے باقی ماندہ ٹکٹ کو فروخت کیلئے پیش کیا جائیگا۔پاکستان‘ بھارت مقابلے کیلئے کم از کم ٹکٹ کی مالیت 175 ڈالر یعنی (49 ہزار 500 روپے سے زائد) جبکہ سٹینڈرڈ پلس سٹینڈ کی قیمت 300 ڈالر یعنی (84 ہزار 500 سے زائد) ہوگی، پریمیم سٹینڈ 400 ڈالر یعنی (1 لاکھ 13 ہزار 200 سے زائد) قیمت پر ٹکٹ فروخت ہوگا۔