لاہور(سپورٹس رپورٹر)قومی کرکٹر سلمان علی آغا نے کہا ہے کہ کوشش ہے پاکستان سپر لیگ  9 میں اچھا پرفارم کر کے قومی ٹی ٹونٹی ٹیم کا حصہ بنوں۔ اسلام آباد یونائیٹڈ کے کرکٹر کا کہنا تھا کہ پی ایس ایل 9 کے لیے تیاری شروع کرلی ہے۔ دو سال سے کسی فرنچائز کا حصہ نہیں تھا، کسی ٹیم کاحصہ بننے کا انتظار تھا۔ دورہ آسٹریلیا کے بعد لیگز کی پیشکش تھی لیکن ڈومیسٹک کرکٹ کو ترجیح دی۔بطور آل راؤنڈر تینوں فارمیٹ میں پاکستان کی نمائندگی کرنا چاہتا ہوں۔ قومی انڈر19 ٹیم نے اچھا کھیلا ان کیلئے نیک خواہشات ہیں، امید ہے وہ سیمی فائنل اور فائنل جیت کر ٹرافی پاکستان لائیں گے۔