لاہور (سپورٹس رپورٹر) ریجنل کرکٹ ایسوسی ایشن کراچی کے زیر اہتمام جاری خان سورشیم کراچی ریجن سینئر انٹر ڈسٹرکٹ کرکٹ ٹورنامنٹ میں مزید چار میچوں کے فیصلے ہو گئے۔پہلے میچ میں زون دو بلوز نے زون تین ریڈز کو 6 وکٹوں سے ہرا دیا۔زون تین ریڈز نے 140 رنز بنائے۔حسن بن شہاب نے 6 کھلاڑیوں کو آوٹ کیا ۔ زون دو بلوز نے 4 وکٹوں پر 141 رنز بنا کر میچ جیت لیا۔عبید الرحمن نے 86 رنز بنائے۔ زون ایک وائٹس نے زون دو ریڈز کو 53 رنز سے ہرا دیا۔زون ایک وائٹس نے 9 وکٹوں پر 169 رنز بنائے۔ سکندر علی نے4کھلاڑیوں کو آوٹ کیا۔ زون دو ریڈز 115 رنز بنا کر آوٹ ہوگئی۔زون چھ بلوز نے زون سات ریڈز کو 140 رنز سے ہرا دیا۔زون چھ بلوز نے 8 وکٹوں پر 269 رنز بنائے۔سیف اللہ نے ناقابل شکست 96رنز بنائے۔ لقمان شاہ نے 4 کھلاڑیوں کو آوٹ کیا۔جواب میں زون سات ریڈز نے 129 رنز بنا کر آوٹ ہوگئی۔ زون سات وائٹس نے زون دو گرین کو 21 رنز سے ہرا دیا زون سات وائٹس نے  9 وکٹوں پر 227 رنز بنائے۔محمد مجید نے 86 ، حمزہ قریشی نے 79 رنز بنائے۔جواب میں زون گرین نے 206 رنز بنائے۔نجیب الرحمان نے 4 کھلاڑیوں کو آوٹ کیا۔