سعودی عرب نے جنوبی کوریا سے ائیر ڈیفنس سسٹم کی خریداری کا معاہدہ کرلیا
ریاض(این این آئی)سعودی عرب نے جنوبی کوریا سے فضائی دفاعی نظام کی خریداری کامعاہدہ کرلیا، معاہدے کے تحت سعودی عرب، جنوبی کوریا سے 3 ارب ڈالر مالیت کی 10 بیٹریاں خریدے گا ۔عرب میڈیا کے مطابق سعودی عرب کے شہر ریاض میں جاری ورلڈ ڈیفنس شو کی سائیڈ لائن پر سعودی وزیر دفاع اور ان کی جنوبی کورین ہم منصب کی موجودگی میں دونوں ممالک کے درمیان دفاعی معاہدے ڈیفنس اکیوزیشن پروگرام ایگریمنٹ (ڈاپا) کی یادداشت پر دستخط کیے گئے۔
