فیروزوالہ( نامہ نگار) شاہدرہ اور کوٹ عبدالمالک کے علاقہ میں آتشزدگی کے مختلف واقعات میں دو افرادجھلس گئے اور گھریلو سامان جل کر راکھ ہو گیا ۔ بیگم کوٹ میں دکان میں سلنڈر گیس لیگ ہو جانے کے باعث دکان میں اگ لگ گئی جس کے نتیجہ میں دکاندار جھلس کر زخمی ہو گیا جسے ہسپتال داخل کرا دیا گیا ۔ونڈالہ میں سرکٹ شارٹ ہو جانے کے باعث گھر میں آگ بھڑک اٹھی جس سے قیمتی سامان جل گیا اس دوران آگ بجھاتے ہوئے ایک شخص زخمی ہو گیا۔ سگیاں اور بادہ دری روڈ میں بھی آگ لگنے کے واقعات  میں قیمتی سامان جل کر راکھ ہو گیا۔