لاہور(سپورٹس رپورٹر)پاکستان سْپر لیگ 9 کی ٹرافی کی رونمائی 13 فروری کو لاہور میں ہوگی جبکہ ایونٹ 17 فروری سے شروع ہوگا، ٹرافی کی رونمائی کی تقریب گزشتہ برس کی طرح لاہور میں ہو گی۔ذرائع کے مطابق ٹرافی کی رونمائی کیلئے گالف کورس اور تفریحی پارک کے مقامات زیر غور ہیں، اگلے ایک دو روز میں رونمائی کیلئے ینیو کو حتمی شکل دیدی جائیگی۔تقریب میں تمام کپتانوں اور فرنچائز مالکان کو مدعو کیا جائیگا، اس کیساتھ پی ایس ایل کی افتتاحی تقریب کا قذافی سٹیڈیم میں انعقاد ہو گا، پی ایس ایل کرٹین ریزر تقریب پہلے میچ سے قبل ہو گی۔افتتاحی تقریب میں پی ایس ایل کے ترانے کے گلوکار علی ظفر اور آئمہ بیگ کیساتھ دیگر فنکار بھی فن کا مظاہرہ کریں گے۔پی ایس ایل 9 کی افتتاحی تقریب کے موقع پر جدید آتش بازی کا مظاہرہ بھی کیا جائیگا۔