شیخوپورہ(نمائندہ خصوصی)تحریک انصاف کے رہنما و سابق اپوزیشن لیڈر میونسپل کمیٹی حاجی غلام نبی ورک کے ڈیرہ پرکامیاب امیدوار چودھری خرم شہزاد ورک اور چودھری طیاب راشد سندھو ایڈووکیٹ کی کامیابی کی خوشی میں مٹھائی تقسیم کی گئی کارکنان نے ڈھول کی تھاپ پر بھنگڑے ڈالے اس موقع پر عمران خان اور دیگر قائدین کی جلد رہائی کیلئے دعا بھی کی گئی مٹھائی تقسیم کرنے کے بعد کارکنان سے گفتگو کرتے حاجی غلام نبی ورک نے کہا کہ شیخوپورہ اور حلقہ کے عوام کا دل کی گہرائیوں سے شکریہ ادا کرتے ہیں جنہوں نے تحریک انصاف کے حمایت یافتہ امیدواروں کو کامیاب کرایا حلقہ این اے 115 اور پی پی 141 میں نوجوان قیادت کا منتخب ہونا حلقہ کی سیاست کا نیا رخ اختیار کرنا عوام کیلئے نیک شگون ہوگاانہوں نے کہاکہ چودھری خرم شہزاد ورک ، چودھری طیاب راشد سندھو کو مبارکباد پیش کرتے ہیں اور امید کرتے ہیں کہ وہ حلقہ کے دیرینہ وپیچیدہ مسائل کے حل کیساتھ ساتھ حلقہ کے عوام کے حقوق کے تحفظ کے ضامن بنیں گے ۔