لاہور(سپورٹس رپورٹر) پریذیڈنٹ ٹرافی کے فائنل میں ایس این جی پی ایل نے واپڈا کو 519 رنز سے شکست دیدی۔پنڈی کرکٹ سٹیڈیم میں پانچ روزہ فائنل تیسرے دن ہی ختم ہوگیا، جس میں ایس این جی پی ایل نے واپڈا کو آؤٹ کلاس کردیا۔ ایس این جی پی ایل نے دوسری اننگز121 رنز پانچ کھلاڑی آؤٹ پر شروع کی اور346 رنز 8 کھلاڑی آؤٹ پر ڈکلیئر کردی۔ بلاول بھٹی نے 101 رنز کی اننگز کھیلی۔ یہ فرسٹ کلاس کرکٹ میں ان کی تیسری سنچری ہے۔ مبصرخان 91 رنز بناکر نروس نائنٹیز کا شکار ہوئے۔ آصف آفریدی نے5 وکٹیں حاصل کیں۔واپڈا کو جیتنے کیلئے 686 رنز کا ہدف ملا تھا لیکن پوری ٹیم صرف166 رنز بناکر آؤٹ ہوگئی۔ایاز تصور نے 51 ‘عمر عابد کیانی نے 40 رنز بنائے۔میرحمزہ نے3 وکٹیں حاصل کیں۔ شاہنواز دھانی نے دواور میچ میں نو کھلاڑی آؤٹ کیے۔بلاول بھٹی نے دو کھلاڑی آؤٹ کیے۔وکٹ کیپر حسیب اللہ نے پہلی اننگز کی طرح دوسری اننگز میں بھی چار کیچز کیے۔