لاہور(سپورٹس رپورٹر)انگلینڈ کے سٹیو کربی کو کراچی کنگز کا فاسٹ بائولنگ کوچ مقرر کردیا گیا، سابق فاسٹ بائولر سٹیو کربی زمبابوے کی ٹیم کے بائولنگ کوچ ہیں۔ پاکستان سپر لیگ سیزن 9 کیلئے کراچی کنگز نے اپنے بائولنگ کوچ کا اعلان کیا ہے ۔ سٹیو کربی کراچی کنگز کے کوچنگ سٹاف کا حصہ ہونگے۔سٹیو کربی زمبابوے کرکٹ کے پاتھ وے ڈیو یلپمنٹ پروگرام کے سربراہ بھی ہیں جبکہ سمر سیٹ کاؤنٹی، ڈربی شائر کاؤنٹی کے بائولنگ کوچ اور مارلی بون کرکٹ کلب (ایم سی سی) کے ہیڈ کوچ بھی رہ چکے ہیں۔