لاہور(سپورٹس رپورٹر)قومی ٹیم کے سابق کپتان سلمان بٹ نام لیے بغیر ٹیم ڈائریکٹر محمد حفیظ سمیت مینجمنٹ پر اعظم خان کو موقع نہ دینے پر سوال اٹھادیا۔سلمان بٹ نے اعظم خان کے بیان پر کہا کہ اعظم خان کو محض 3 میچوں کے بعد ڈراپ ہونے کے بجائے نیوزی لینڈ کیخلاف پوری سیریز میں موقع دینا چاہیے تھا۔انہوں نے کہا کہ نوجوان بیٹر کو جلد ہی احساس ہو جائیگا کہ کچھ کوچز صرف اپنی نوکری برقرار رکھنے کھلاڑیوں کی تعریف کرتے ہیں۔ ایک دو میچوں میں وہ بیٹنگ کیلئے آئے تو مطلوبہ رن ریٹ 13 کے قریب تھا، جو کسی بھی بیٹر کیلئے آسان نہیں ہوتا تاہم اگر آپ بین الاقوامی کرکٹ کھیلنا چاہتے ہیں، تو آپ کو فٹ ہونا ضروری ہے۔ اگر وہ اپنی فٹنس پر کام کریں تو وہ بہت بہتر کارکردگی کا مظاہرہ کر سکتے ہیں۔