گوجرانوالہ (نمائندہ خصوصی) مرکزی رہنما مسلم لیگ (ن) سلمان شہباز نومنتخب ممبر پنجاب اسمبلی عمر فاروق ڈار اور رہنما مسلم لیگ (ن) لندن احسن ڈار کے والد صلاح الدین ڈار کی وفات پر تعزیت کیلئے ان کی رہائشگاہ گوجرانوالہ پہنچے اور فاتحہ خوانی کی۔ اس موقع پر سلمان شہباز شریف نے کہا  شریف فیملی آپ کے غم میں برابر شریک ہے۔ مرحوم صلاح الدین ڈار پکے اور سچے مسلم لیگی تھے، ان کے ساتھ لندن میں گزرا ہوا وقت ہمیشہ یاد رہے گا۔ سلمان شہباز شریف نے نومنتخب ایم پی اے عمر فاروق ڈار کو کامیابی پر مبارکباد دیتے  کہا  پنجاب میں مسلم لیگ (ن) کی حکومت بنے گی اور اس میں آپ کا ووٹ شامل ہو گا۔