گوجرانوالہ (فرحان راشد میر سے) عام انتخابات 2024ء میں گوجرانوالہ اور وزیر آباد کی 6قومی نشستوں پر مجموعی طور پر 1581054ووٹ اور 14صوبائی نشستوں پر 1556762 ووٹ کاسٹ ہوئے ، 85255ووٹ مسترد، تحریک انصاف پہلے، مسلم لیگ (ن) دوسرے‘ تحریک لبیک تیسرے اور پیپلز پارٹی چوتھے نمبر پر رہی۔ تفصیلات کے مطابق گوجرانوالہ اور وزیر آباد میں ووٹرز نے بیلٹ پیپرز پر ایک سے زائد امیدواروں پر مہر لگا دی جس وجہ سے بڑی تعداد میں ووٹ مسترد ہوئے، جبکہ قومی اسمبلی کی نشستوں پر تحریک انصاف کے حمایت یافتہ امیدواروں نے 675403ووٹ، مسلم لیگ (ن) کے امیدواروں نے 610792ووٹ ، تحریک لبیک کے امیدواروں نے 94442ووٹ، پیپلز پارٹی کے امیدواروں نے 55983ووٹ اور جماعت اسلامی کے امیدوار30227ووٹ حاصل کر سکے۔ اسی طرح صوبائی اسمبلی کی نشستوں پر تحریک انصاف کے حمایت یافتہ امیدواروں کو مجموعی طور پر 587603ووٹ، مسلم لیگ (ن) کے امیدواروں کو 543904 ووٹ، تحریک لبیک کے امیدواروں کو 430204ووٹ، جماعت اسلامی کے امیدواروں کو 39329 ووٹ اور پیپلز پارٹی کے امیدوار 30119ووٹ حاصل کر سکے۔