پشاور (آئی این پی ) پشاور ہائیکورٹ میں اے این پی کے ایمل ولی کی جانب بانی پی ٹی آئی کے خلاف درخواست غیر موثر قرار دے کر نمٹا دی۔ پشاور ہائیکورٹ کے دورکنی بنچ جسٹس شکیل احمد اور جسٹس وقار احمد نے سربراہ اے این پی ایمل ولی خان کی درخواست پر سماعت کی۔ درخواست گزار کا موقف تھا کہ ضمنی انتخابات میں بانی پی ٹی آئی نے7حلقوں سے الیکشن لڑا لیکن کاغذات نامزدگی میں غلط بیانی کی گئی۔ وکلا درخواست گزار نے استدعا کی کہ بانی پی ٹی آئی نے نے کاغذات نامزدگی میں توشہ خانہ تحائف کا ذکر بھی نہیں کیا، بانی پی ٹی آئی کو مذکورہ حلقوں سے نااہل قرار دیا جائے۔ عدالت وکلا کے دلائل سننے کے بعد ریمارکس دیتے ہوئے کہا کہ وہ اسمبلی رہی نہ بانی چیئرمین اب ممبر رہے اس لئے کیس اب قابل سماعت نہیں،عدالت نے درخواست غیرموثر ہونے پر کیس نمٹا دیا۔