گوجر خان (نامہ نگار )بھنگالی گوجر سے تعلق رکھنے والے صحافی و شاعر فیصل عرفان کی مرتب کردہ تیسری پوٹھوہاری کتاب''ہوشے''شائع ہوگئی ،پوٹھوہار رہتل اْسار پبلی کیشنزراولپنڈی کے زیر اہتمام شائع ہونیوالی 240صفحات پر مشتمل کتاب میں خطہ پوٹھوہارمیں شادی بیاہ کی مختلف رسومات مہندی، مایوں، گھڑولی، بارات اوررخصتی کے علاوہ مختلف مواقع پر گائے جانیوالے درجنوں پوٹھوہاری لوک گیت اور سٹھنیاں موجود ہیں،قبل ازیں بھی فیصل عرفان کی دو کتب ''پوٹھوہاری اکھانڑ تے محاورے''اور ''پرجہھات مہھاڑی انھیں''شائع ہوکر داد وتحسین سمیٹ چکی ہیںاور پوٹھوہاری لوریوں پر مشتمل چوتھی کتاب ''چہھوٹے لارے''بھی زیر ترتیب ہے،ہوشے کی اشاعت پرپوٹھوہاربھرکے علمی ،ادبی وصحافتی حلقوں نے فیصل عرفان کو مبارکباددی اور نیک تمناؤں کا اظہار کیا ہے۔