لاہور(سپورٹس رپورٹر)ہالینڈ ہاکی کلب اولڈ نزل ہاکی کلب کی ٹیم دوستانہ میچز کھیلنے کیلئے ایک ہفتہ کے دورہ پرآج لاہور پہنچے گی۔ترجمان پی ایچ ایف کے مطابق اپنے اس دورہ کے موقع پر ہا لینڈہاکی کلب کی ٹیم وزیراعظم کے یوتھ ٹیلنٹ ہنٹ پروگرام کے تحت منتخب کی گئی ہائر ایجوکیشن کمیشن کی ہاکی ٹیم کیخلاف3میچز کھیلے گی۔نیشنل ہاکی سٹیڈیم لاہور میں تین میچز جبکہ نصیر بندہ سٹیڈیم اسلام آباد میں ایک میچ کھیلا جائیگا۔ ہا لینڈہاکی کلب او ایچ سی بلی کا یہ دورہ اس لحاظ سے تاریخی ہے کہ 22سال کے طویل وقفے کے بعد کوئی یورپی ہاکی کلب کی ٹیم پاکستان کا دورہ کر رہی ہے۔