لاہور(سپورٹس رپورٹر)پاکستان سپر لیگ کی ٹیم کوئٹہ گلیڈی ایٹرز کے فاسٹ بائولر محمد عامر نے بابر اعظم اور صائم ایوب کی تعریف کردی۔لاہور میں صحافیوں سے گفتگو کرتے ہوئے محمد عامر نے کہا کہ یہ پی ایس ایل بڑا اہم ہے، مجھے کوئٹہ گلیڈی ایٹرز کے اعتماد پر پورا اترنا ہے، فینز کا پیار کرنے پر شکریہ ادا کرتا ہوں۔ بابر اعظم اچھا بیٹر ہے، انہوں نے اچھی اننگز کھیلی، سر ویوین رچرڈز کا کچھ کہنا اعزاز کی بات ہے۔ 200 رنز کا ہدف حاصل کرنا آسان نہیں ہوتا، وکٹ بہت اچھی تھی کسی دن مجھے بھی مار پڑ سکتی ہے۔ ٹی ٹونٹی کرکٹ بیٹرز کی کرکٹ ہے، کوئٹہ گلیڈی ایٹرز کے پاس بہترین بائولر ہیں، صائم ایوب ایک خطرناک کھلاڑی ہے۔