بلوچستان، اوتھل کوسٹل ہائی وے پر 2بسوں میں تصادم، متعدد مسافر زخمی
کوئٹہ (آئی این پی ) بلوچستان میں اوتھل کوسٹل ہائی وے پر 2 بسیں ٹکرا گئیں، حادثے میں متعدد مسافر زخمی ہوگئے۔ حادثہ کوسٹل ہائی وے کنڈرے واری کے قریب تیز رفتاری کے باعث پیش آیا۔ دونوں بسوں کے درمیان تصادم کے نتیجے میں پیش آنے والے حادثے میں بچوں اور خواتین سمیت متعدد مسافر زخمی ہوگئے۔ زخمیوں کو فوری طبی امداد کے لیے سول ہسپتال کراچی منتقل کردیا گیا۔
