مری  (امتیاز الحق نامہ نگار خصوصی) مسلم لیگ ن کے سربراہ اور سابق وزیر اعظم محمد نواز شریف ،مریم نواز اور بعض دوسری اہم شخصیات ایکسپریس وے کے ذریعہ اسلام آباد سے مری میں واقع اپنی نجی رہائش گاہ کشمیر پوائنٹ پر پہنچے۔اس دواران شدید دھند اور بارش کی وجہ سے ان کے قافلے کو بعض مقامات پر معمولی تکلیف کا بھی سامنا کرنا پڑا  تاہم وہ مخیریت مری پہنچ گئے ۔معلوم ہوا ہے کہ وہ چند رو یہیں قیام کریں گے جبکہ اس دوران وہ بعض  اہم سیاسی شخصیات سے ملاقاتیں بھی کریں گے ۔ اسلام آباد سے مری آتے ہوے ان کی غیر اعلانیہ آمد ،شدید سردی اور دھند کے باوجود بعض مقامات پر مقامی لوگوں اور سیاحوں نے ان کی آمد پر ہاتھوں سے وکٹری کا نشان بناتے ہوے  خوش آمدید کہا ۔موجودہ  سخت ترین سیاسی حالات میں وہ ہشاش بشاش تھے اور استقبال کرنے والے لوگوں کو ہاتھ ہلا کر ان کے جذبات جواب دیتے رہے ۔ادھر ضلع مری کی انتظامیہ اور پولیس بھی چوکس ہو گئی ۔خیال ہے ان کے یہاں قیام کے دوران بعض اہم فیصلے بھی کیئے جایں گے ۔