اسلام آباد (نوائے وقت رپورٹ) سماجی رابطہ کی ویب سائٹ ایکس (ٹوئٹر) کی 17 فروری سے سروسز تاحال بحال نہ ہو سکیں۔ پاکستان میں ایکس (ٹوئٹر) بند ہوئے 72 گھنٹے سے زائد ہو گئے۔ سماجی رابطے کی ویب سائٹ کی بندش چوتھے روز میں داخل ہو گئی۔ سوشل میڈیا پلیٹ فارم کی بندش سے صارفین کو مشکلات کا سامنا ہے۔ گزشتہ 4 روز کے دوران ایکس کی سروسز 2 بار کچھ دیر کے لئے بحال کی گئیں۔ پی ٹی اے 4 روز سے ایکس (ٹوئٹر) کی بندش پر کوئی بھی مؤقف دینے سے گریز ہے۔