فیروزوالہ( نامہ نگار ) جی ٹی روڈ پر ٹریفک کے مختلف حادثات میں 2افراد ہلاک اور ایک ہی خاندان کے 8 افراد سمیت 12 افراد زخمی ہو گئے ۔لاہو رروڈ پربارش کے دوران بے قابوٹرالر کی گاڑی کو ٹکر جس کے نتیجہ میں محمد شاہد 33 سالہ موقع پر ہی ہلاک جبکہ دو افراد زخمی ہو گئے جن میں محمد شان اور عبدالواجد شامل ہیں۔ قلعہ ستار شاہ کے قریب چین میں چادرپھنس جانے سے لوڈر رکشہ الٹ گیا‘ ایک ہی خاندان کے8افراد زخمی ہوگئے زخمیوں میں مسکان بی بی،شمیم بی بی،عاصمہ بی بی،کنول بی بی،ندیم،عمران اورکاشف وغیرہ شامل ہیں ۔ مریدکے راوی ریان یوٹرن کے قریب مزدا ٹرک اورکار حادثہ کے نتیجہ میں لاہور کے ہسپتال میں خدیجہ بی بی زخموں کی تاب نہ لاتے ہوئے جاں بحق ہوگئی اس میں پہلے سات افراد جاں بحق ہوئے تھے ۔