لاہور(نامہ نگار)شہر میں ڈاکوؤں اور چوروں نے چوری و ڈکیتی کی وارداتوں میں متعددشہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ڈاکوؤں نے غازی آباد میں صفدر کے گھر گھس کراہلخانہ کو گن پوائنٹ پر یرغمال بناکر5لا کھ30ہزار ‘ زیورات ،موبائل فون دیگر سامان،شاہدرہ ٹاؤن میں عثمان سے3 لاکھ 65ہزار ‘ زیورات ‘موبائل فون، وحدت کالونی میں رزاق سے 70ہزار‘موبائل فون، کاہنہ میں ضمیر سے 2لاکھ 30ہزار‘ موبائل فون، راوی روڈ  میں عمران سے 80ہزار‘ موبائل فون، مسلم ٹاؤن میں ذیشان سے55ہزار ‘ موبائل فون‘مانگا منڈی میں ساجد سے 30 ہزار‘ موبائل فون لوٹ لیا اورفرار ہو گئے ۔چوروں نے گرین ٹاؤن میں شرجیل کے گھر سے3 لاکھ40ہزار دیگر گھریلو سامان چوری کرلیا اور فرار ہوگئے۔چوروں نے جوہر ٹاؤن ،ڈیفنس اے‘ سبزہ زار سے 3 کاریں، مزنگ سے رکشہ جبکہ مستی گیٹ،ماڈل ٹاؤن،رنگ محل، شادمان، شالیمار،ساندہ، فیکٹری ایریا اور ستوکتلہ کے علاقوں سے 8 موٹر سائیکل چوری کرلئے۔