قصور(نمائندہ نوائے وقت) قصور کے نواح کوٹ رداھا کیشن میں نجی فیکٹری کی تیز رفتار بس اوور ٹیک کرتے ہوئے ٹریکٹر ٹرالی سے ٹکرا گئی،ایک لڑکا جاں بحق جبکہ خاتون سمیت 6 افراد زخمی ہو گئے۔ نجی فیکٹری کے ملازمین کو لے جانے والی تیز رفتار بس چھانگا مانگا روڈ پر مخالف سمت سے آنیوالی ٹریکٹر ٹرالی سے ٹکرا گئی جس کے نتیجہ میں پیچھے سے آنیوالی ایک موٹرسائیکل بھی ٹریکٹر ٹرالی سے ٹکرا گئی جس کے نتیجہ میں 36/35سالہ حزیفہ جاں بحق ہو گیا اور ایک خاتون شدید زخمی ہوگئی جبکہ کوسٹر سوار پانچ ملازمین بھی زخمی ہوگئے،کوسٹرٹریکٹر ٹرالی کے ڈرائیورز سلامت اور مرتضیٰ موقع سے فرار ہو گئے۔ زخمیوں اور نعش کو ہسپتال منتقل کردیاگیا۔پولیس تھانہ کوٹ رداھا کشن مصروف کارروائی ہے۔