لاہور(سپورٹس رپورٹر) ڈچ ہاکی کلب ہالینڈ اور ہائرایجوکیشن کمیشن کے درمیان 3میچز کی سیریز ایک ایک سے برابر ہوگئی۔ سابق وزیرکھیل پنجاب رانا مشہوداحمد خان میچ کے مہمان خصوصی تھے۔ ڈی جی سپورٹس پنجاب ڈاکٹر آصف طفیل، سابق کپتان قومی کرکٹ ٹیم محمد یوسف، قومی کبڈی ٹیم کے نائب کپتان شفیق چشتی بھی موجود تھے۔ مہمانوں کا کھلاڑیوں سے تعارف کروایا گیا او رگروپ فوٹوز بھی بنوائے گئے، میچ ایس بی پی خواجہ جنید ہاکی اکیڈمی کے زیر اہتمام کھیلا گیا۔ڈچ ہاکی کلب ہالینڈ اور ہائرایجوکیشن کی ٹیموں کے درمیان 3میچز کی سیریز ایک ایک سے برابر ہوگئی ہے۔ دوسرے میچ میں ڈی ہاکی کلب نے ہائرایجوکیشن کو 4-3سے ہرادیا ۔ نبیل منہاس، میک لینڈرنک، کپتان روبن کیٹیر اور لین ٹیمرز نے ایک ایک گول کیاجبکہ ایچ ای سی کے عمار نے دو جبکہ تیسرا گول عثمان اشرف نے کیا۔ سیریز کافیصلہ کن میچ اسلام آباد میں کھیلا جائیگا۔