لاہور(سپورٹس رپورٹر)آر ایل کے گروپ پنجاب اوپن ٹینس چیمپئن شپ 2024 ء پنجاب ٹینس اکیڈمی باغ جناح میںاختتام پذیر ہوئی، مزمل مرتضیٰ نے دو ٹائٹل اپنے نام کیے۔مزمل مرتضیٰ نے مینز سنگلز فائنل میں ایم عابد کو 6-4، 7-6 سے ہرا کر پہلا ٹائٹل اپنے نام کیا۔ انہوں نے عبداللہ عدنان کیساتھ مل کر مینز ڈبلز میں ایم عابد اور وقاص ملک کو 6-3، 7-5 سے ہرا کر دوسرا ٹائٹل اپنے نام کیا۔لیڈیز سنگلز فائنل میں شمزہ دراب نے بسمل ضیاء کو 6-3، 6-1 سے شکست دی۔ڈبلز 45 پلس کیٹیگری میں طلحہ وحید اور عارف فیروز نے ٹائٹل جیتا۔