لاہور(سپورٹس رپورٹر)بھارت اور انگلینڈ کی کرکٹ ٹیموں کے درمیان پانچ میچوں پر مشتمل سیریز کا چوتھا ٹیسٹ میچ آج سے 27 فروری تک رانچی میں کھیلا جائیگا،بھارتی ٹیم کو انگلینڈ کے خلاف پانچ میچوں کی سیریز میں 1-2 کی برتری حاصل ہے۔بھارتی کرکٹ ٹیم کے فاسٹ بائولر جسپریت بمراہ اور بیٹر لوکیش راہول برطانوی ٹیم کیخلاف پانچ ٹیسٹ میچوں کی سیریز کے چوتھے میچ میں قومی ٹیم کی نمائندگی نہیں کر سکیں گے۔فاسٹ بائولر جسپریت بمراہ کو چوتھے میچ کے لیے ریسٹ دیا گیا ہے جبکہ لوکیش راہول فٹنس مسائل سے نجات کیلئے بحالی صحت کے عمل سے گزر رہے ہیں۔