سرگودھا+ گوجرہ+ لاہور (نمائندہ خصوصی+ نمائندہ نوائے وقت+ اے پی پی) فیسکو کی ٹاسک فورس ٹیموں نے بجلی چوروں کے خلاف کریک ڈاؤن کے دوران 9 صارفین نذیر، احمد یار، اسد عباس، مقبول حسین، شاہد عمران، ریاض، ملک عمر اور اشفاق کو پکڑ لیا۔ دریں اثنا گوجرہ کے چک نمبر 332/ ج بے کے محمد بلال اور چک نمبر 373/ ج ب کے تصور حسین کو میٹروں سے ڈائریکٹ تاریں لگا کر بجلی چوری کرتے رنگے ہاتھوں پکڑ لیا گیا۔ لاہور سے اے پی پی کے مطابق لیسکو قصور کی ٹیم نے حاجی گگن گائوں کے علاقہ میں سرچ آپریشن کیا۔ دوران آپریشن 10 نان رجسٹرڈ کنکشنز اور 4رننگ رجسٹرڈ کنکشنز کو ڈائریکٹ سپلائی سے بجلی چوری کرتے پکڑا گیا۔