لاہور(سپورٹس رپورٹر)ٹی20ورلڈکپ 2024کی تیاریوں کے سلسلے میں پاکستان اور نیوزی لینڈ کے درمیان 5میچوں پر مشتمل سیریز اپریل کے دوسرے ہفتے میں شیڈول کیے جانے کا امکان ہے۔ پاکستان اور نیوزی لینڈ کے درمیان 5میچوں کی ٹی20سیریز راولپنڈی سٹیڈیم اور لاہور کے قذافی سیٹیڈیم میں کروائے جانے کا قوی امکان ہے جبکہ 13سے 23اپریل کے درمیان تاریخوں پر غور کیا جارہا ہے۔دونوں بورڈز نے سیریز کے شیڈول کو حتمی شکل دینے کیلئے بات چیت شروع کردی ہے۔ کراچی ویسٹ انڈیز کی خواتین کرکٹ ٹیم کیخلاف سیریز کیلئے 3ون ڈے اور 5ٹی20میچز کی میزبانی کریگا۔ کیرئبین خواتین ٹیم اپریل کے دوسرے ہفتے میں پاکستان پہنچے گی۔