لاہور(سپورٹس رپورٹر)پاکستان سپر لیگ کے 9 ویں ایڈیشن کے 10 ویں میچ میں کراچی کنگز نے لاہور قلندرز کو 2 وکٹوں سے شکست دیدی۔لاہور کے قذافی سٹیڈیم میں کھیلے گئے میچ میں کراچی کنگز نے ٹاس جیت کر لاہور قلندرز کو بیٹنگ کی دعوت دی۔لاہور قلندرز  نے  6 وکٹوں پر 175 رنز بنائے۔صاحبزادہ فرحان نے72 رنز کی اننگز کھیلی۔جارج لینڈا 26 رنز کیساتھ ناٹ آئوٹ رہے۔ ریسی وین ڈر ڈاوسن نے 26 ‘شائی ہوپ 21 اور جہانداد خان 12 رنزبناکر نمایاں رہے۔ میرحمزہ، حسن علی اور تبریز شمسی نے 2 ،2 وکٹیں حاصل کیں۔ کراچی کنگز نے ہدف 8 وکٹوں پر آخری گیند پر پورا کرلیا۔کیرن پولارڈ 58‘شعیب ملک 39رنز بناکر نمایاں رہے ۔ زمان خان اور احسن حفیظ نے دو ‘دو وکٹیں حاصل کیں ۔کیرن پولارڈ کو میچ کا بہترین کھلاڑی قرار دیا گیا ۔ لاہور قلندر ز کی ایونٹ میں یہ مسلسل چوتھی شکست ہے ۔ کراچی نے پہلا میچ ہارنے کے بعد مسلسل دوسری کامیابی سمیٹی ہے ۔