کوئٹہ (آئی این پی ) گورنر بلوچستان عبدالولی کاکڑ نے کہا  ہے کہ صوبے کے اکثر اضلاع میں لیبر روم تک فعال نہیں ہیں۔ پاکستان پیڈیاٹرک کانفرنس سے خطاب کرتے ہوئے گورنر بلوچستان عبدالولی کاکڑ نے کہا کہ حکومت کی فراہم کردہ ادویات مریضوں تک نہیں پہنچتیں، اربوں روپے خرچ کرنے کے بعد کوئی تبدیلی نظرنہیں آتی۔ انہوں نے کہا کہ صحت اور تعلیم کے اداروں میں ڈاکٹرز اور اساتذہ حاضری نہیں دیتے اور  صوبے کے اکثر اضلاع میں لیبر روم تک فعال نہیں ہے۔ گورنر بلوچستان کا کہنا تھا کہ ان حالات کو تبدیل کرنے کیلئے ہمیں سچ بولناہوگا۔