اسلام آباد (نمائندہ خصوصی) کمپٹیشن کمشن آف پاکستان (سی سی پی) نے میسرز سعودی آئرن اینڈ سٹیل کمپنی (حدید) سے متعلق تین مرجرز (انضمام) کی منظوری دے دی ہے۔ حدید پاکستان کی سٹیل مارکیٹ میں بھی مصروف عمل ہے۔ مجموعی ٹرانزیکشن دو اداروں کی تنظیم ِنو پر مْشتمل ہے جسے تین مراحل میں تقسیم کیا گیا ہے۔ سعودی عرب سے تعلق رکھنے والی حدید سٹیل مصنوعات بنانے کے سلسلے میں معروف ہے۔ یہ پاکستان کی سٹیل مارکیٹ میں سپاٹ سیلز میں مصروفِ عمل ہے اور بین الاقوامی تاجروں کے ذریعے پاکستان میں برآمدات کرتی ہے۔